Il-komunikazzjoni effettiva ta'informazzjoni dwar riskji kemikali u l-miżuri ta' ġestjoni hija aspett essenzjali tas-sistema stabbilita minn REACH sabiex tiżgura trasparenza akbar.

Ir-regolament iħaddan fih l-ghodod diġà ezistenti:

• il-klassifikazzjoni u t-tikkettar: issa huwa suġġett għad-dispożizzjonijiet tar-Regolament (KE) Nru 1272/2008;
• il-fuljett dwar tagħrif ta' sigurtà: dan il-fuljett huwa l-għodda ta' kommunikazzjoni fi ħdan il-katina ta' fornimenti. L-informazzjoni mogħtija għandha tkun konsistenti ma' dik li tinsab fir-rapport ta' sigurtà kimika, meta jkun hekk meħtieg. F'dan il-kaz, ix-xenarju(/i) ta' espozizzjoni jitqeghed f'anness tal-Fuljett dwar it-Taghrif tas-Sigurtà.

RREACH jistabilixxi aktar għodod:

• id-database tal-Aġenzija: għandha tippermetti aċċess għal tagħrif miżmum mill-Aġenzija;
• il-proċedura tal-awtorizzazzjoni: għandha tiżgura l-funzjonament effiċjenti tas-suq intern filwaqt li tiżgura li r-riskju minn sustanzi ta' tħassib serju jiġu kkontrollati sew. Din il-proċedura għandha tinċita għas-sostituzzjoni ta' dawn is-sustanzi b'sustanzi anqas perikolużi meta alternattivi adattati ikunu disponibbli;
• il-proċedura ta' restrizzjoni: il-produzzjoni, it-tqegħid fis-suq u l-użu ta' sustanzi li jippreżentaw riskju li jrid jiġi indirizzat, jista' jkun għan tal-Aġenzija fuq il-bażi tal-istima tar-riskju, ta' projbizzjonijiet totali jew parzjali jew restrizzjonijiet oħra.