REACH | Obbligi ta’ l-utent

L-obbligi ta’ kumpanija taħt REACH jiddependu mill-attività eżatta mwettqa fir-rigward ta’ sustanza speċifika jew bħala sustanza waħedha, fi preparat jew f’artikolu. Għalhekk, utent professjonali ta’ kimiċi għandu l-ewwel jidentifika r-rwol(i) tiegħu taħt REACH għal kull sustanza li juża sabiex ikun jista’ jkun f’pożizzjoni li jidentifika l obbligi tiegħu.

REACH tagħmel distinzjoni fost l-atturi differenti fil-katina ta’ provvista bejn manifatturi, importaturi, utenti downstream u distributuri (li jinkludu bejjiegħa bl-imnut u fornituri għal ħżin).

Utent downstream hu mfisser f’Artikolu 3(13) ta’ REACH bħala “kull persuna naturali jew legali stabilit fi ħdan il Komunità, li mhux il-manifattur jew l-importatur, li juża sustanza, jew hu waħdu jew bħala preparat, fit-twettieq ta’ l-attivitajiet industrijali jew professjonali tiegħu. Distributur jew konsumatur mhuwiex utent downstream.” Ħafna tipi differenti ta’ kumpaniji jistgħu jkunu utenti downstream, li jinkludu formulaturi ta’ preparazzjonijiet, utenti industrijali, ħaddiema tas-snajja’, lantijiet tax-xogħol u fornituri tas-servizzi jew re-fillers.
L-ewwel kundizzjoni biex utent jiġi meqjus bħala utent downstream b’mod konformi ma’ REACH hu billi jixtri sustanzi u/jew preparati minn fornitur1 ta’ l-UE jew fornitur li mhux ta’ l-UE li għandu “rappreżentant biss”2. L-utent jista’ ukoll jimporta mill-ġdid sustanzi (bħala talin jew fi preparati) li oriġinarjament kienu prodotti fl-UE u reġistrati fl-istess katina ta’ provvista. Kundizzjonijiet oħrajn iqiesu l-attivitajiet differenti possibbli ta’ utenti. Dawn huma mogħtija fit-tabella t’hawn isfel.

Negozju	Attivitajiet	Kundizzjonijiet oħra li jridu jiġu konsidrati bħala utent downstream taħt REACH
Formulatur	Il-kumpanija tħallat sustanzi u/jew preparati biex tagħmel preparati li jitpoġġew fis-suq.	L-ebda reazzjoni kimika ma sseħħ waqt it-taħlit. Eżempju: Meta tħoll sustanza mhux qed tipproduċi sustanza imma użu. Madankollu, meta tħallat aċidu ma’ bażi li jirriżulta f’sustanza ġdida (melħ) li jiġi mpoġġi fis-suq hu kkonsidrat bħala produzzjoni u l-kumpanija hija l-manifattur.
Produttur ta’ l artikli	Il-kumpanija tinkorpora sustanzi u/jew preparati f’oġġetti u dawn isiru parti integrali minn oġġett bħal dan (fil-kuntest ta’ proċess industrijali jew attività professjonali).	Jekk is-sustanza tkun preżenti f’dawk l-artikli fi meta magħduda flimkien tittotalizza aktar minn tunnellata metrika għal kull produttur kull sena u hi maħsuba li tiġi rilaxxata taħt kundizzjonijiet normali jew raġonevolment prevedibbli għal użu, għandha tkun ġiet reġistrata diġà għal dak l-użu. Jekk is-sustanza hija identifikata għall-inklużjoni eventwali f’Anness XIV ta’ REACH (lista ta’ sustanzi suġġetti għal awtorizzazzjoni) u, hi preżenti f’dawk l-oġġetti fi kwantitajiet li magħduda flimkien jittotalizzaw aktar minn tunnellata metrika kull produttur kull sena u, hi preżenti f’dawk l-oġġetti b’konċentrazzjoni ’l fuq minn 0.1% piż għal piż u, l-espożizzjoni għal bniedem u l-ambjent ma tistax tiġi eskluża waqt kundizzjonijiet normali jew raġonevolment prevedibbli ta’ użu li jinkludi r-rimi, is-sustanza għandha tkun ġiet reġistrata diġà għal dak l-użu.
L-utent aħħari	Il-kumpanija tuża sustanzi u preparati fil-kuntest ta’ proċess industrijali jew attività professjonali. Ma tfornihomx aktar downstream.	Sustanzi li jirriżultaw minn reazzjoni kimika li sseħħ malli sustanzi jiġu eżentati, fil-prinċipju, fir-rekwiżit ta’ reġistrazzjoni (REACH Anness V).
Re-filler	Dan il-parteċipant jittrasferixxi sustanzi jew preparati minn reċipjent wieħed għal ieħor. Dan it-trasferiment (ippakkjar mill ġdid) hu konsidrat bħala użu taħt REACH.

Kull meta l-kundizzjonijiet t’hawn fuq ma jiġux sodisfatti, attur li juża kimiċi hu konsidrat taħt REACH bħala manifattur jew importatur ta’ sustanzi/preparati jew produttur/importatur ta’ oġġetti, skond l-attivitajiet tiegħu. Hu jista’ jkun meħtieġ li jirreġistra jew jinnotifika sustanzi barra mill-obbligi relatati ma’ l-użu tagħhom.

Taħt REACH, parteċipanti oħra fil-katina ta’ provvista huma d-distributuri. Dawn kemm jaħżnu u jagħmlu sustanzi, preparati u/jew artikli disponibbli lil terzi mingħajr aktar ipproċessar. L-għan ewlieni tagħhom taħt REACH hu li jittrasmettu informazzjoni ’l fuq jew ’l isfel fil-katina ta’ provvista.

Taħt REACH, hemm obbligi li japplikaw biss għal tipi speċifiċi ta’ utenti downstream. Dan jiddependi min-negozju fil-katina ta’ provvista u l-attività mwettqa. It-tabella li ġejja tidentifika l-obbligi possibbli relatati ma’ attivitajiet differenti.

Barraminhekk, il-biċċa l-kbira tar-rekwiżiti legali attwali li japplikaw dwar l-użu ta’ kimiċi, pereżempju dawk relatati mal-protezzjoni ta’ ħaddiema, konsumaturi u l-ambjent, jibqgħu japplikaw flimkien ma’ REACH.

1. Fornituri ta’ l-UE huma stabiliti fl-UE f’wieħed minn 27 stat membru. Fornituri mill-Iżvizzera mhumiex fornituri ta’ l-UE. Fornituri fin-Norveġja, L-Iżlanda u Liechtenstein ikunu konsidrati bħala fornituri ta’ l-UE kemm-il darba dawn il-pajjiżi jkunu implimentaw REACH.
2. Rappreżentant biss guwa persuna naturali jew legali stabilita fl-UE li hi maħtura minn produttur ta’ sustanza, preparat jew oġġett li mhix fl-UE, sabiex tissodisfa l-obbligi ta’ reġistrazzjoni fuq importaturi.